【買琴指南】鋼琴界行情:YAMAHA U1 熱賣五大原因

【買琴指南】鋼琴界行情:YAMAHA U1 熱賣五大原因


十個媽咪九個都覺得自己係音樂界嘅門外漢,所以落決定買鋼琴嗰陣,都係乖乖地交俾鋼琴miss話事!但媽媽天生都流住識得精明買嘢嘅血, 千奇唔好低估自己嘅能力呀,你是最好的你知道嗎?有好多因素就算你唔識Do-Re-Mi 都掌握得到!今次我哋就睇下點解YAMAHA U1 直立式鋼琴獲眾多miss好評啦!

1.  「日本製造」啱晒香港小朋友

一部鋼琴嘅生產過程涉及好多零件同組裝工序。所以品質、QC好重要。去到今日嚟講,Made in Japan仲係一個信心保證,日本鋼琴嘅出品製作較嚴謹同用料靚,所以咁多年大家都傾向揀日本製,多過中國大陸/印尼製造。而且日本設計適合亞洲人嘅手型,小朋友彈起嚟就冇問題喇。

IMG_9998-

2.  YAMAHA信譽保證 + 通利琴行專業代理

至於牌子信譽更加唔洗講,YAMAHA歷史悠久,叫任何人數幾個樂器品牌出黎都一定榜上有名,口碑呢家嘢好難呃倒人。既然搵得大牌子想買個安心,就要搵埋一直以嚟代理YAMAHA嘅通利琴行 Tom Lee。因為坊間一啲琴行可能會搵質素參差嘅師傅做維修,甚至未必包全面嘅保養服務。家長俾得起5位數字嘅價錢買琴,為咗呢啲細微數而破壞咗部琴就得不償失喇。

通利琴行嘅樂器維修保養較專業同全面,信得過佢哋有專業資格嘅技師團隊,一般有提供tune琴,調較琴鍵、換零件、琴身修理同翻新等等嘅服務,咁就唔洗驚有古惑嘢或者質素差。

IMG_0002-TomLee-

3.  一彈彈到八級,毋需中途換琴

有啲家長諗住小朋友初學,可能諗住買部電子琴俾佢彈住先啦,彈到四/五/六級先再換。咁就整蠱自己喇~ 你買一次琴就煩一次,買兩次就煩足兩次,仲未計買完同折舊賣出去,最後唔多划算!最緊要係,小朋友一開始就彈電子琴,未必會掌握到正統琴嘅觸鍵感/聽得準音色。所以好多miss會向家長推介YAMAHA U1,因為適合由初學彈到八級,又唔洗中途煩換琴、煩upgrade。

4.  二手 Resell 出去多人接

小朋友有時五時花六時變,何況要持續學好多年琴呢。所以媽媽除咗同阿仔阿女約法三章,下定決心之外,買琴嗰陣最好考慮下二手市場嘅價格。萬一小朋友學咗一段時間後覺得唔適合/有其他學業問題,都可以賣番部鋼琴出去,唔洗擺係屋企封塵做雜物枱啊。YAMAHA U1就因為有牌子、同喺行內受歡迎,所以價錢合理的話都唔憂有貨冇人要。

5.  原廠靜音裝置 無損鋼琴結構

YAMAHA U1 有另一個附有靜音裝置嘅型號 -YAMAHA U1 Silent ,享有傳統鋼琴U1 嘅特點,同時支援電子輸出琴聲。即係話小朋友平日可以照常用一般模式練琴,而夜咗就可以戴住headphone,開著靜音模式練,咁就任何時間都唔怕練琴嘈親人啦!隔籬屋都表示感謝你呀!

最重要係,呢一個靜音裝置都係YAMAHA原廠內置,唔需要買左部琴先再叫師傅拆開琴鍵加工。揀YAMAHA U1 Silent自然就少咗破壞鋼琴內部結構嘅風險啦。

Ad2

選購資訊:

Ad1

Yamaha U1 Upright Piano 直立式鋼琴

日本原廠製造

分期優惠價:$56,500

銷售點:全線通利琴行

* 詳情請向代理 – 通利琴行查詢。