【PregnantMama】助產士話你知:人奶不是output愈多愈好!供應太多可能變「石頭胸」?

【PregnantMama】助產士話你知:人奶不是output愈多愈好!供應太多可能變「石頭胸」?


《人奶不是愈多愈好》

1

好多媽媽都想追奶,好多媽媽都想打爆雪櫃,唔通雪櫃又好想比你打爆咩?

港媽一向都好捱得,
身兼多職,又要生仔、又要返工、又要照顧屋企,
仲要餵人奶、仲要湊埋大果個仔女!
一個唔好彩仲要湊埋身邊果個大細路。

所以好多媽媽會好想儲多d 奶係雪櫃,即使自己唔得閒餵BB,都有人奶可以比佢飲!
當然好多媽媽係覺得自己唔夠奶,雪櫃永遠都只係多一餐至兩餐奶,好驚一有咩突發事,BB 就冇奶飲。

但係有冇諗過太多奶都好大負擔?
我中同一向都係有波之人,一開刀生完,經過我努力幫佢埋身既情況之下,
佢既奶巴巴聲上, 只係飲左幾包鈣思寶就漲奶漲到硬哂!

加上佢唔鐘意埋身餵,所以淨係用奶泵,一直都 overstimulate 個胸。係最癲峰既時候每 4 個鐘出到 400ml 奶
大約一個星期就打滿左個雪櫃!!!
而朋友亦都好開心!諗住餵人奶真係easy job!
但係惡夢就黎喇。
有一日佢出左街六個鐘!
一直冇時間泵奶,返到屋企,兩邊胸硬過石頭!
泵都泵唔出奶了!只係比平時遲左兩個鐘!就造成幾乎不可逆轉既局面!
其間,佢搵過坊間既催乳師上門三次,駛左幾千蚊!得到既只係一對又紅又腫又硬又出唔到奶既波波!!
3 2

最後執媽梗係搵方法幫佢搞掂左喇!但真係好唔捨得佢駛左咁多錢。

餵人奶,多埋身,達到供求平衡係金科玉律!
有時媽媽要返工,BB 要比屋企人湊,想有多d奶係屋企做後備係好正常,
媽媽如果供應好,係埋身餵完人奶之後可以泵少少出黎儲起佢for之後用,
但overstimulate, 就會好辛苦喇!媽媽不但會覺得好chur 好累、好乾、好exhausted。
一個唔小心耐左先泵就會好似我朋友咁,換對又紅又腫又瘀既波波返黎架喇。

人奶係一樣「身體根據BB 需求而為BB 度身訂造既食物」,會跟隨BB 唔同成長階段所需要而調節,
一味不斷比刺激佢,會擾亂同BB 既供求平衡架。

想像下,如果要你望住新鮮熱辣既美食但唔比你食,而要你食雪櫃放左好耐有雪藏味既舊飯送,你都唔鐘意喇!!
咁點解我地要BB餐餐食舊奶呢?

但我都明白,首先你要係富媽先得。

4

 =========================

profile

港產執媽一名
香港出生,正宗香港是我家
現職香港助產士
志在分享香港產科所見所聞
同時分享產科知識和餵人奶學問
最鐘意同媽媽天南地北傾懷孕大小事&湊仔經